Boky sy zon'ny mpamorona!
Ambohipihaonan'ny
mpisehatra eo amin'ny tontolon'ny boky ny andron'ny 23 aprily izay
fotoana ankalazana ny andro maneran-tany ho an'ny boky sy ny zon'ny
mpamorona. Mandritra ny hateloana ny tsenaben'ny boky eo amin'ny
tranombokim-pirenena Anosy.Ity hetsika ity dia sehatra iray natokana hifanandratan’ny mpanoratra, mpanonta boky, mpivaro-boky, mpiandraikitra trano famakiam-boky ary indrindra ireo mpamaky. Eny an-toerana koa no ahitana fampirantiana sy varotra boky isan-karazany, izay mikendry ny hanaitra ny fahalianan’ny sokajin-taona amin’ny vaky boky, antoky ny fandrosoan’ny saina.
Ny tanjona dia ny hanakaiky ny mpamaky amin’ny tontolon’ny soratra sy ny literatiora
Nitondra fanazavana mikasika ny zon’ny
mpamorona kosa ny Tale jeneralin’ny OMDA Haja Ranjarivo ka nilaza
fa mitovy avokoa ny zon’ny mpamorona, ao anatin’izany ny mpanoratra sy
ny mpihira. Rehefa natonta ohatra ny boky dia misy ny zon’ny mpamorona
ary miankina amin’ny isan’ny boky lafo ny zo sitrahina amin'izany. Koa
rehefa sanganasa noforonina ka ampiasaina ampahibemaso dia afaka
misitraka ny zon’ny mpamorona.Boky sy zon'ny mpamorona!
Tatitra : Hery Rakotonirainy
Sary : Raveloarison Patrick sy Rita Ralamboarijaona
Ajouter un commentaire