Dim'He-Tsi

Dim'he-tsi Toetra Ràja— 20/05/2026

Nanamarika ny sehatry ny literatiora ny seho antsa tononkalo "DIM'HE-TSI" izay nokarakarain'ny Faribolana Sandratra tao amin'ny CGM Analakely ny tolakandron'ny 18 avrily 2026 lasa teo. Mpanoratra telo mianadahy no tompon'ny sehatra izay nahitana an'i Dimby Mahenina sy Herinina ary Tsitoha Agape. Samy mpanoratry ny Faribolana Sandratra izy ireo. Nanampy tamin'izany koa i Lova Santatra, Voary, Nirihaja, Miaro Zo namelona ny aingan'izy telo mianadahy.

Ankoatra ny aingam-panahy naseho tamin'ny antsa tononkalo dia niavaka koa ny haingon-tsehatra sy ny fanampim-pitaovana tahaka ny torajiro namoahana ny poezia an-tsary izay nifamatotra tamin'ny poezia nantsaina...

Nizara roa ny fotoana, tao aloha ny fianohana ireo antsa tao anatina tara-kevitra maromaro tsy nanavahana ny firehan'ny mpanatrika: fitiavana, fiainana, soratra, vola,... Nanamarika ny tapany faharoa kosa ny fifanakalozan-kevitra teo amin'ny tompon-tsehatra sy ny mpijery. Tao anatin'izany indrindra no nahatakarana ireo dindo samihafa tao ambadik'ity lohahevitra miavaka ity, ary namaliana ny hetahetan'ny mpanatrika rehetra.

Tsy hadinoina koa fa niaraka tamin'ny famoaham-boky izao seho izao mba hojifain'ny rehetra ka dia tombony ho an'ny mpankafy ny fisian'izany ho vaingam-pahatsiarovana... ary koa enti-manohana ny mpanoratra sy ny asasoratra.
ny sehatry ny literatiora ny seho antsa tononkalo "DIM'HE-TSI" izay nokarakarain'ny Faribolana Sandratra tao amin'ny CGM Analakely ny tolakandron'ny 18 avrily 2026 lasa teo. Mpanoratra telo mianadahy no tompon'ny sehatra izay nahitana an'i Dimby Mahenina sy Herinina ary Tsitoha Agape. Samy mpanoratry ny Faribolana Sandratra izy ireo. Nanampy tamin'izany koa i Lova Santatra, Voary, Nirihaja, Miaro Zo namelona ny aingan'izy telo mianadahy.

Ankoatra ny aingam-panahy naseho tamin'ny antsa tononkalo dia niavaka koa ny haingon-tsehatra sy ny fanampim-pitaovana tahaka ny torajiro namoahana ny poezia an-tsary izay nifamatotra tamin'ny poezia nantsaina...

Nizara roa ny fotoana, tao aloha ny fianohana ireo antsa tao anatina tara-kevitra maromaro tsy nanavahana ny firehan'ny mpanatrika: fitiavana, fiainana, soratra, vola,... Nanamarika ny tapany faharoa kosa ny fifanakalozan-kevitra teo amin'ny tompon-tsehatra sy ny mpijery. Tao anatin'izany indrindra no nahatakarana ireo dindo samihafa tao ambadik'ity lohahevitra miavaka ity, ary namaliana ny hetahetan'ny mpanatrika rehetra.

Tsy hadinoina koa fa niaraka tamin'ny famoaham-boky izao seho izao mba hojifain'ny rehetra ka dia tombony ho an'ny mpankafy ny fisian'izany ho vaingam-pahatsiarovana... ary koa enti-manohana ny mpanoratra sy ny asasoratra.